ਫੈਕਟ ਸਮਾਚਾਰ ਸੇਵਾ
ਨਵੀਂ ਦਿੱਲੀ , ਨਵੰਬਰ 17
ਯੂਕੋ ਬੈਂਕ ‘ਚ ਕੁਝ ਖਾਤਾਧਾਰਕ ਉਸ ਸਮੇਂ ਹੈਰਾਨ ਰਹਿ ਗਏ ਜਦੋਂ ਉਨ੍ਹਾਂ ਦੇ ਬੈਂਕ ਖਾਤਿਆਂ ‘ਚ ਅਚਾਨਕ ਕਰੋੜਾਂ ਰੁਪਏ ਜਮ੍ਹਾ ਹੋ ਗਏ। ਦਰਅਸਲ ਅਜਿਹਾ ਬੈਂਕ ਦੀ ਗਲਤੀ ਕਾਰਨ ਹੋਇਆ ਹੈ। ਬੈਂਕ ਦੀ ਗਲਤੀ ਕਾਰਨ ਤਤਕਾਲ ਭੁਗਤਾਨ ਸੇਵਾ ਰਾਹੀਂ ਕੁਝ ਬੈਂਕ ਖਾਤਿਆਂ ‘ਚ 820 ਕਰੋੜ ਰੁਪਏ ਜਮ੍ਹਾ ਹੋ ਗਏ। ਜਿਵੇਂ ਹੀ ਬੈਂਕ ਨੂੰ ਆਪਣੀ ਗਲਤੀ ਦਾ ਅਹਿਸਾਸ ਹੋਇਆ, ਉਸਨੇ ਪੈਸੇ ਕਢਵਾਉਣ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ। ਹੁਣ ਤੱਕ ਬੈਂਕ ਨੇ 649 ਕਰੋੜ ਰੁਪਏ ਦੀ ਵਸੂਲੀ ਕੀਤੀ ਹੈ।
ਬੈਂਕ ਨੇ ਅਜੇ ਤੱਕ ਇਹ ਸਪੱਸ਼ਟ ਨਹੀਂ ਕੀਤਾ ਹੈ ਕਿ ਇੰਨੀ ਵੱਡੀ ਰਕਮ ਅਚਾਨਕ ਖਾਤਿਆਂ ਵਿੱਚ ਕਿਵੇਂ ਟਰਾਂਸਫਰ ਕੀਤੀ ਗਈ। ਕੀ ਇਹ ਮਨੁੱਖੀ ਗਲਤੀ ਕਾਰਨ ਸੀ ਜਾਂ ਤਕਨੀਕੀ ਗੜਬੜ ਜਾਂ ਹੈਕਿੰਗ ਕਾਰਨ? ਬੈਂਕ ਦਾ ਕਹਿਣਾ ਹੈ ਕਿ ਟਰਾਂਸਫਰ ਕੀਤੀ ਗਈ ਰਕਮ ‘ਚੋਂ 79 ਫੀਸਦੀ ਰਕਮ ਯਾਨੀ 649 ਕਰੋੜ ਰੁਪਏ ਵਾਪਸ ਕਰ ਦਿੱਤੇ ਗਏ ਹਨ। ਹਾਲਾਂਕਿ ਅਜੇ ਵੀ ਕਰੀਬ 200 ਕਰੋੜ ਰੁਪਏ ਦੀ ਵਸੂਲੀ ਨਹੀਂ ਹੋਈ ਹੈ, ਜਿਸ ਨੂੰ ਵਾਪਸ ਲੈਣ ਦੀ ਪ੍ਰਕਿਰਿਆ ਜਾਰੀ ਹੈ। ਇਸ ਘਟਨਾ ਦਾ ਅਸਰ ਯੂਕੋ ਬੈਂਕ ਦੇ ਸ਼ੇਅਰਾਂ ‘ਤੇ ਵੀ ਪਿਆ ਹੈ। ਯੂਕੋ ਬੈਂਕ ਦੇ ਸ਼ੇਅਰ ਵੀਰਵਾਰ ਨੂੰ 1.1 ਫੀਸਦੀ ਡਿੱਗ ਕੇ 39.39 ਰੁਪਏ ‘ਤੇ ਆ ਗਏ। ਬੈਂਕ ਨੇ ਘਟਨਾ ਦੀ ਜਾਣਕਾਰੀ ਜਾਂਚ ਏਜੰਸੀਆਂ ਨੂੰ ਦੇ ਦਿੱਤੀ ਹੈ।
