ਇਕਾਈ ਹਸਪਤਾਲ ਵੱਲੋਂ ਪੰਜਾਬ ਦੀ ਪਹਿਲੀ ਰੋਬੋਟਿਕ ਗੁਰਦਾ-ਬਚਾਉਂਦੀ ਕਿਡਨੀ ਕੈਂਸਰ ਸਰਜਰੀ ਸਫਲਤਾਪੂਰਵਕ – ਡਾ ਔਲਖ
ਲੁਧਿਆਣਾ, ਪੰਜਾਬ :
ਇਕਾਈ ਹਸਪਤਾਲ ਨੇ ਪੰਜਾਬ ਦੇ ਮੈਡੀਕਲ ਇਤਿਹਾਸ ਵਿੱਚ ਇੱਕ ਮਹੱਤਵਪੂਰਨ ਮੀਲ ਪੱਥਰ ਕਾਇਮ ਕਰਦਿਆਂ ਪੰਜਾਬ ਦੀ ਪਹਿਲੀ ਰੋਬੋਟਿਕ ਗੁਰਦਾ-ਬਚਾਉਂਦੀ ਸਰਜਰੀ (Robotic Partial Nephrectomy) ਸਫਲਤਾਪੂਰਵਕ ਕੀਤੀ ਹੈ। ਇਸ ਅਧੁਨਿਕ ਸਰਜਰੀ ਰਾਹੀਂ ਕਿਡਨੀ ਕੈਂਸਰ ਨਾਲ ਪ੍ਰਭਾਵਿਤ ਹਿੱਸੇ ਨੂੰ ਕੱਟ ਕੇ ਕੱਢਿਆ ਗਿਆ, ਜਦਕਿ ਗੁਰਦੇ ਦਾ ਸਿਹਤਮੰਦ ਹਿੱਸਾ ਪੂਰੀ ਤਰ੍ਹਾਂ ਬਚਾਇਆ ਗਿਆ।
ਇਹ ਜਟਿਲ ਅਤੇ ਉੱਚ-ਪੱਧਰੀ ਸਰਜਰੀ ਇਕਾਈ ਹਸਪਤਾਲ ਦੇ ਸੀਨੀਅਰ ਯੂਰੋਲੋਜਿਸਟ ਅਤੇ ਕਿਡਨੀ ਟ੍ਰਾਂਸਪਲਾਂਟ ਸਰਜਨ ਡਾ. ਬਲਦੇਵ ਸਿੰਘ ਔਲਾਖ ਦੀ ਅਗਵਾਈ ਹੇਠ ਅਧੁਨਿਕ ਰੋਬੋਟਿਕ ਸਰਜਰੀ ਤਕਨੀਕ ਨਾਲ ਕੀਤੀ ਗਈ। ਰੋਬੋਟਿਕ ਤਕਨੀਕ ਨਾਲ ਬਹੁਤ ਉੱਚੀ ਸੂਖਮਤਾ, ਘੱਟ ਖੂਨ ਵਗਣਾ, ਘੱਟ ਦਰਦ ਅਤੇ ਮਰੀਜ਼ ਦੀ ਤੇਜ਼ ਸੁਧਾਰ ਸੰਭਵ ਹੋ ਸਕੀ।
ਇਸ ਮੌਕੇ ’ਤੇ ਡਾ. ਬਲਦੇਵ ਸਿੰਘ ਔਲਾਖ ਨੇ ਕਿਹਾ,
“ਪਹਿਲਾਂ ਕਿਡਨੀ ਕੈਂਸਰ ਦੇ ਬਹੁਤੇ ਮਾਮਲਿਆਂ ਵਿੱਚ ਪੂਰਾ ਗੁਰਦਾ ਕੱਢਣਾ ਪੈਂਦਾ ਸੀ ਅਤੇ ਚੀਰਾ ਵੀ ਵੱਡਾ ਦੇਣਾ ਪੈਂਦਾ ਸੀ ਾ ਹੁਣ ਰੋਬੋਟਿਕ ਗੁਰਦਾ-ਬਚਾਉਂਦੀ ਸਰਜਰੀ ਨਾਲ ਬਹੁਤ ਬਰੀਕ ਸੁਰਾਖ ਰਾਹੀਂ ਅਸੀਂ ਸਿਰਫ਼ ਕੈਂਸਰ ਵਾਲਾ ਹਿੱਸਾ ਕੱਢ ਕੇ ਗੁਰਦੇ ਦੀ ਕਾਰਗੁਜ਼ਾਰੀ ਬਚਾ ਸਕਦੇ ਹਾਂ, ਜੋ ਮਰੀਜ਼ ਦੀ ਲੰਬੀ ਉਮਰ ਅਤੇ ਸਿਹਤ ਲਈ ਬਹੁਤ ਜ਼ਰੂਰੀ ਹੈ। ਪੰਜਾਬ ਵਿੱਚ ਇਸ ਤਕਨੀਕ ਦੀ ਸ਼ੁਰੂਆਤ ਨਾਲ ਮਰੀਜ਼ਾਂ ਨੂੰ ਹੁਣ ਮਹਾਨਗਰਾਂ ਵਿੱਚ ਜਾਣ ਦੀ ਲੋੜ ਨਹੀਂ ਰਹੇਗੀ।”
ਰੋਬੋਟਿਕ ਗੁਰਦਾ-ਬਚਾਉਂਦੀ ਸਰਜਰੀ ਦੇ ਮੁੱਖ ਫਾਇਦੇ
• ਗੁਰਦੇ ਦੀ ਕਾਰਗੁਜ਼ਾਰੀ ਬਰਕਰਾਰ
• ਬਿਨਾਂ ਵੱਡਾ ਕੱਟ ਲਗਾਏ ਘੱਟ ਚੀਰ-ਫਾੜ
• ਘੱਟ ਖੂਨ ਵਗਣਾ ਅਤੇ ਘੱਟ ਜਟਿਲਤਾਵਾਂ
• ਜਲਦੀ ਸਿਹਤਯਾਬੀ ਅਤੇ ਘੱਟ ਹਸਪਤਾਲ ਵਿੱਚ ਰਹਿਣਾ
• ਬਿਹਤਰ ਜੀਵਨ ਗੁਣਵੱਤਾ
ਭਾਰਤ ਵਿੱਚ ਕਿਡਨੀ ਕੈਂਸਰ ਦੇ ਮਾਮਲੇ ਲਗਾਤਾਰ ਵੱਧ ਰਹੇ ਹਨ ਅਤੇ ਅਕਸਰ ਇਹ ਬਿਮਾਰੀ ਰੁਟੀਨ ਸਕੈਨ ਦੌਰਾਨ ਸਾਹਮਣੇ ਆਉਂਦੀ ਹੈ। ਜਲਦੀ ਪਛਾਣ ਅਤੇ ਰੋਬੋਟਿਕ ਸਰਜਰੀ ਮਰੀਜ਼ਾਂ ਲਈ ਜਾਨ-ਬਚਾਉਂਦੀ ਅਤੇ ਗੁਰਦਾ-ਬਚਾਉਂਦੀ ਇਲਾਜ ਪদ্ধਤੀ ਸਾਬਤ ਹੋ ਰਹੀ ਹੈ।
ਇਸ ਉਪਲਬਧੀ ਨਾਲ ਇਕਾਈ ਹਸਪਤਾਲ ਨੇ ਉੱਤਰੀ ਭਾਰਤ ਵਿੱਚ ਆਧੁਨਿਕ ਯੂਰੋਲੋਜੀ, ਕਿਡਨੀ ਕੈਂਸਰ ਇਲਾਜ, ਰੋਬੋਟਿਕ ਸਰਜਰੀ ਅਤੇ ਕਿਡਨੀ ਟ੍ਰਾਂਸਪਲਾਂਟ ਦੇ ਖੇਤਰ ਵਿੱਚ ਆਪਣੀ ਅਗਵਾਈ ਨੂੰ ਹੋਰ ਮਜ਼ਬੂਤ ਕੀਤਾ ਹੈ।
ਡਾ ਔਲਖ ਨੇ ਅੱਗੇ ਦੱਸਿਆ ਕਿ ਹੁਣ ਪਰੌਸਟੇਟ ਕੈਂਸਰ ਤੇ ਹੋਰ ਕੈਂਸਰ, ਪਿੱਤੇ ਦੀ ਬਿਮਾਰੀ, ਬੱਚੇਦਾਨੀ ਦੀਆਂ ਬਿਮਾਰੀਆਂ, ਹਰਨੀਆਂ ਆਦਿ ਦੇ ਇਲਾਜ ਵੀ ਰੋਬੌਟਿਕ ਸਰਜਰੀ ਨਾਲ ਇਕਾਈ ਹਸਪਤਾਲ ਵਿੱਚ ਕੀਤੇ ਜਾਣਗੇ
