ਫੈਕਟ ਸਮਾਚਾਰ ਸੇਵਾ
ਕੁਰੂਕਸ਼ੇਤਰ , ਮਈ 3
ਮੁੱਖ ਮੰਤਰੀ ਮਨੋਹਰ ਲਾਲ ਦਾ ਕੁਰੂਕਸ਼ੇਤਰ ਵਿੱਚ ਅੱਜ ਤੀਜਾ ਦਿਨ ਹੈ। ਇਸ ਦੌਰਾਨ ਮੁੱਖ ਮੰਤਰੀ ਨੇ ਪਿਹੋਵਾ ਤੋਂ ਕਰਨਾਲ ਜਾਣ ਵਾਲੀ ਬੱਸ ਨੂੰ ਹਰੀ ਝੰਡੀ ਦਿਖਾ ਕੇ ਰਵਾਨਾ ਕੀਤਾ। ਜੋ ਪਿਹੋਵਾ ਤੋਂ ਅਭਿਮਨਿਊਪੁਰ, ਅੰਜਨਥਲੀ ਹੁੰਦੇ ਹੋਏ ਕਰਨਾਲ ਪਹੁੰਚੇਗੀ। ਮੁੱਖ ਮੰਤਰੀ ਮਨੋਹਰ ਲਾਲ ਨੇ ਅਭਿਮਨਿਊਪੁਰ ਪਿੰਡ ਵਿੱਚ ਜਨ ਸੰਵਾਦ ਦੌਰਾਨ ਇਹ ਐਲਾਨ ਕੀਤਾ ਸੀ। ਅੱਜ ਮੁੱਖ ਮੰਤਰੀ ਪਿਹੋਵਾ ਵਿਧਾਨ ਸਭਾ ਹਲਕੇ ਵਿੱਚ ਲੋਕਾਂ ਨਾਲ ਗੱਲਬਾਤ ਕਰਨਗੇ। ਇਸ ਤੋਂ ਪਹਿਲਾਂ ਉਹ ਸ਼ਾਹਬਾਦ ਅਤੇ ਥਾਨੇਸਰ ਹਲਕਿਆਂ ਦੇ ਝਾਂਸਾ, ਨਲਵੀ, ਖਰਿੰਡਵਾ, ਧੁਰਾਲਾ, ਜੋਤੀਸਰ ਅਤੇ ਅਭਿਮਨਿਊਪੁਰ ਵਿੱਚ ਜਨਤਕ ਸੰਵਾਦ ਕਰ ਚੁੱਕੇ ਹਨ।
