ਫੈਕਟ ਸਮਾਚਾਰ ਸੇਵਾ
ਰੂਸ , ਅਕਤੂਬਰ 24
ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੂੰ ਦਿਲ ਦਾ ਦੌਰਾ ਪਿਆ ਹੈ। ਉਹ ਆਪਣੇ ਬੈੱਡਰੂਮ ‘ਚ ਫਰਸ਼ ‘ਤੇ ਡਿੱਗੀ ਪਏ ਮਿਲੇ ਹਨ। ਟੈਲੀਗ੍ਰਾਮ ਨੇ ਦੱਸਿਆ ਕਿ ਪੁਤਿਨ ਦੇ ਬੈੱਡਰੂਮ ਦੇ ਬਾਹਰ ਸੁਰੱਖਿਆ ਮੁਲਾਜ਼ਮਾਂ ਨੇ ਅੰਦਰੋਂ ਸ਼ੋਰ ਅਤੇ ਡਿੱਗਣ ਦੀ ਆਵਾਜ਼ ਸੁਣੀ। ਇਸ ਤੋਂ ਬਾਅਦ ਤੁਰੰਤ ਡਾਕਟਰਾਂ ਨੂੰ ਬੁਲਾਇਆ ਗਿਆ ਤੇ ਉਨ੍ਹਾਂ ਨੂੰ ਵਿਸ਼ੇਸ਼ ਇਲਾਜ ਲਈ ਨਿੱਜੀ ਹਸਪਤਾਲ ਲਿਜਾਇਆ ਗਿਆ। ਕ੍ਰੇਮਲਿਨ ਨੇ ਇਸ ਘਟਨਾ ‘ਤੇ ਅਲਰਟ ਜਾਰੀ ਕੀਤਾ ਹੈ।
ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਦੀ ਸਿਹਤ ਹਾਲ ਹੀ ਦੇ ਸਾਲਾਂ ‘ਚ ਵਿਆਪਕ ਤੌਰ ‘ਤੇ ਰਿਪੋਰਟ ਕੀਤੀ ਗਈ ਹੈ। ਕਈ ਜਨਤਕ ਸਮਾਗਮਾਂ ਦੌਰਾਨ ਪੁਤਿਨ ਨੂੰ ਕਈ ਵਾਰ ਕਮਜ਼ੋਰ ਤੇ ਕਈ ਵਾਰ ਵੀਡੀਓਜ਼ ‘ਚ ਹੱਥ ਕੰਬਦੇ ਦੇਖਿਆ ਗਿਆ ਹੈ। ਪਿਛਲੇ ਸਾਲ ਜਦੋਂ ਤੋਂ ਯੂਕਰੇਨ ‘ਤੇ ਹਮਲਾ ਸ਼ੁਰੂ ਹੋਇਆ ਹੈ, ਉਦੋਂ ਤੋਂ ਮੀਡੀਆ ‘ਚ ਕਈ ਖਬਰਾਂ ਆ ਰਹੀਆਂ ਹਨ ਕਿ 71 ਸਾਲਾ ਰੂਸੀ ਨੇਤਾ ਦੀ ਸਿਹਤ ਲਗਾਤਾਰ ਖਰਾਬ ਹੋ ਰਹੀ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਇਹ ਘਟਨਾ ਐਤਵਾਰ ਸ਼ਾਮ (22 ਅਕਤੂਬਰ) ਦੀ ਹੈ। ਉਹ ਆਪਣੇ ਘਰ ‘ਚ ਬੈੱਡਰੂਮ ਦੇ ਫਰਸ਼ ‘ਤੇ ਡਿੱਗੇ ਮਿਲੇ। ਦਾਅਵਿਆਂ ਅਨੁਸਾਰ ਘਟਨਾ ਤੋਂ ਬਾਅਦ ਤੁਰੰਤ ਡਾਕਟਰਾਂ ਨੂੰ ਬੁਲਾਇਆ ਗਿਆ ਤੇ 71-ਸਾਲਾ ਰਾਸ਼ਟਰਪਤੀ ਨੂੰ “ਅਪਾਰਟਮੈਂਟ ‘ਚ ਬਣੀ ਇਕ ਵਿਸ਼ੇਸ਼ ਮੈਡੀਕਲ ਸਹੂਲਤ ਵਿੱਚ ਲਿਜਾਇਆ ਗਿਆ, ਜਿੱਥੇ ਉਨ੍ਹਾਂ ਦੀ ਸਖਤ ਦੇਖਭਾਲ ਕੀਤੀ ਗਈ”।
