ਭਾਰਤ ਬਾਇਓਟੈਕ ਦੀ ਇੰਟਰਾਨੇਜਲ ਕੋਵਿਡ ਵੈਕਸੀਨ ਨੂੰ ਮਿਲੀ ਮਨਜ਼ੂਰੀ, DCGI ਨੇ ਸੀਮਤ ਵਰਤੋਂ ਦੀ ਦਿੱਤੀ ਮਨਜੂਰੀ

ਫੈਕਟ ਸਮਾਚਾਰ ਸੇਵਾ

ਨਵੀਂ ਦਿੱਲੀ, ਨਵੰਬਰ 25

ਭਾਰਤ ਬਾਇਓਟੈਕ ਦੀ ਇੰਟਰਾਨੇਜਲ ‘ਫਾਈਵ ਆਰਮਜ਼’ ਕੋਵਿਡ ਬੂਸਟਰ ਖੁਰਾਕ ਨੂੰ ਸੀਮਤ ਵਰਤੋਂ ਲਈ ਮਨਜ਼ੂਰੀ ਦਿੱਤੀ ਗਈ ਹੈ। ਅੱਜ ਭਾਰਤ ਦੇ ਡਰੱਗ ਕੰਟਰੋਲਰ ਜਨਰਲ, DCGI ਨੇ ਇਸ ਕੋਵਿਡ ਵੈਕਸੀਨ ਨੂੰ ਆਪਣੀ ਸਹਿਮਤੀ ਦੇ ਦਿੱਤੀ ਹੈ।

ਜਾਣਕਾਰੀ ਮੁਤਾਬਕ ਕੋਰੋਨਾ ਵੈਕਸੀਨ ਦੀ ਇਹ ਬੂਸਟਰ ਡੋਜ਼ ਟੀਕੇ ਦੀ ਬਜਾਏ ਨੱਕ ਰਾਹੀਂ ਦਿੱਤੀ ਜਾਵੇਗੀ। ਭਾਰਤ ਬਾਇਓਟੈਕ ਦਾ ਦਾਅਵਾ ਹੈ ਕਿ ਇਹ ਨੱਕ ਦੀ ਖੁਰਾਕ ਹੁਣ ਤੱਕ ਵਰਤੀ ਜਾ ਰਹੀ ਕੋਰੋਨਾ ਵੈਕਸੀਨ ਨਾਲੋਂ ਵੱਖਰੀ ਅਤੇ ਜ਼ਿਆਦਾ ਪ੍ਰਭਾਵਸ਼ਾਲੀ ਹੈ।