ਫੈਕਟ ਸਮਾਚਾਰ ਸੇਵਾ
ਚੰਡੀਗੜ੍ਹ , ਅਕਤੂਬਰ 4
ਪੀਜੀਆਈ ਨੇ ਪ੍ਰਾਪਤੀਆਂ ਦੇ ਕ੍ਰਮ ਵਿੱਚ ਇੱਕ ਹੋਰ ਮੁਕਾਮ ਹਾਸਲ ਕੀਤਾ ਹੈ। ਨਿਊਯਾਰਕ ਸਥਿਤ ਮੈਗਜ਼ੀਨ ਨਿਊਜ਼ਵੀਕ ਅਤੇ ਜਰਮਨ ਕੰਪਨੀ ਸਟੈਟਿਸਟਾ ਵੱਲੋਂ ਕਰਵਾਏ ਗਏ ਆਨਲਾਈਨ ਸਰਵੇਖਣ ਵਿੱਚ ਪੀਜੀਆਈ ਚੰਡੀਗੜ੍ਹ ਨੂੰ ਬੇਸਟ ਸਰਵੋਤਮ ਹਸਪਤਾਲ ਐਲਾਨਿਆ ਗਿਆ ਹੈ। ਇਸ ਸਰਵੇ ਰਿਪੋਰਟ ਦੀ ਰੈਂਕਿੰਗ 14 ਸਤੰਬਰ ਨੂੰ ਜਾਰੀ ਕੀਤੀ ਗਈ ਸੀ।
ਇਸ ਸਰਵੇਖਣ ਵਿੱਚ ਦੁਨੀਆ ਭਰ ਦੇ 40,000 ਮਾਹਿਰਾਂ ਤੋਂ ਅਰਜ਼ੀਆਂ ਮੰਗੀਆਂ ਗਈਆਂ ਸਨ। ਇਸ ਦੇ ਆਧਾਰ ‘ਤੇ ਸਰਵੇ ਪੂਰਾ ਕੀਤਾ ਗਿਆ। ਇਸ ਨੇ ਦੁਨੀਆ ਭਰ ਦੀਆਂ ਮੈਡੀਕਲ ਸੰਸਥਾਵਾਂ ਦੇ ਕਾਰਡੀਓਲੋਜੀ, ਐਂਡੋਕਰੀਨੋਲੋਜੀ, ਪੀਡੀਆਟ੍ਰਿਕ, ਆਰਥੋਪੀਡਿਕ, ਓਨਕੋਲੋਜੀ, ਗੈਸਟ੍ਰੋਐਂਟਰੌਲੋਜੀ, ਨਿਊਰੋਲੋਜੀ, ਮੈਡੀਸਨ, ਨਿਊਰੋ ਸਰਜਰੀ, ਯੂਰੋਲੋਜੀ ਅਤੇ ਪਲਮੋਨਰੀ ਦੇ ਵਿਭਾਗਾਂ ਦਾ ਵਿਸ਼ਲੇਸ਼ਣ ਕੀਤਾ। ਇਹ ਪੁਰਸਕਾਰ ਪੀਜੀਆਈ ਦੇ ਕਾਰਡੀਓਲੋਜੀ ਅਤੇ ਐਂਡੋਕਰੀਨੋਲੋਜੀ ਵਿਭਾਗ ਦੀਆਂ ਪ੍ਰਾਪਤੀਆਂ ਅਤੇ ਗੁਣਾਂ ਨੂੰ ਮਾਨਤਾ ਦੇਣ ਲਈ ਪ੍ਰਦਾਨ ਕੀਤਾ ਗਿਆ ਹੈ।
