ਫੈਕਟ ਸਮਾਚਾਰ ਸੇਵਾ
ਮਥੁਰਾ, ਜਨਵਰੀ 4
ਕ੍ਰਿਕਟਰ ਵਿਰਾਟ ਕੋਹਲੀ ਪਤਨੀ ਅਨੁਸ਼ਕਾ ਸ਼ਰਮਾ ਦੇ ਨਾਲ ਅੱਜ ਸਵੇਰੇ ਠਾਕੁਰ ਬਾਂਕੇਬਿਹਾਰੀ ਦੇ ਸ਼ਹਿਰ ਵ੍ਰਿੰਦਾਵਨ ਪਹੁੰਚੇ। ਉਨ੍ਹਾਂ ਬਾਬਾ ਨਿੰਮ ਕਰੋਲੀ ਦੀ ਸਮਾਧੀ ਸਥਲ ਦਾ ਦੌਰਾ ਕੀਤਾ। ਵਿਰਾਟ ਅਤੇ ਅਨੁਸ਼ਕਾ ਕਰੀਬ ਇੱਕ ਘੰਟੇ ਤੱਕ ਆਸ਼ਰਮ ਵਿੱਚ ਰਹੇ। ਬਾਬਾ ਨਿੰਮ ਕਰੋਲੀ ਦਾ ਅਸ਼ੀਰਵਾਦ ਲਿਆ। ਸਮਾਧੀ ਦੇ ਦਰਸ਼ਨ ਕਰਨ ਤੋਂ ਬਾਅਦ ਕੁਟੀਆ ‘ਚ ਧਿਆਨ ਲਗਾਇਆ। ਇਸ ਤੋਂ ਬਾਅਦ ਆਨੰਦਮਈ ਆਸ਼ਰਮ ਲਈ ਰਵਾਨਾ ਹੋ ਗਏ। ਉਨਾਂ ਆਪਣਾ ਪ੍ਰੋਗਰਾਮ ਪੂਰੀ ਤਰ੍ਹਾਂ ਗੁਪਤ ਰੱਖਿਆ ਸੀ। ਆਨੰਦਮਈ ਆਸ਼ਰਮ ਵਿੱਚ ਮੀਡੀਆ ਨੂੰ ਐਂਟਰੀ ਨਹੀਂ ਦਿੱਤੀ ਗਈ।
ਵਿਰਾਟ ਅਤੇ ਅਨੁਸ਼ਕਾ ਨੇ ਵ੍ਰਿੰਦਾਵਨ ਜਾਣ ਦਾ ਪ੍ਰੋਗਰਾਮ ਸੀ, ਪਰ ਉਹ ਸਵੇਰੇ ਬਾਬਾ ਨੀਮ ਕਰੋਲੀ ਆਸ਼ਰਮ ਪਹੁੰਚ ਗਏ। ਉਨ੍ਹਾਂ ਦਾ ਪ੍ਰੋਗਰਾਮ ਇੰਨਾ ਗੁਪਤ ਸੀ ਕਿ ਕਿਸੇ ਨੂੰ ਕੋਈ ਭਿਣਕ ਤੱਕ ਵੀ ਨਹੀਂ ਲੱਗੀ। ਦੱਸਿਆ ਜਾ ਰਿਹਾ ਹੈ ਕਿ ਵਿਰਾਟ ਅਤੇ ਅਨੁਸ਼ਕਾ ਦੇ ਮਥੁਰਾ ਆਉਣ ਤੋਂ ਪਹਿਲਾਂ ਹੀ ਇੱਥੇ ਇੱਕ ਸਟਾਰ ਹੋਟਲ ਵਿੱਚ ਕਮਰੇ ਬੁੱਕ ਹੋ ਚੁੱਕੇ ਹਨ।
ਬਾਬਾ ਨੀਮ ਕਰੋਲੀ ਆਸ਼ਰਮ ਵਿਖੇ ਵਿਰਾਟ ਅਤੇ ਅਨੁਸ਼ਕਾ ਨੂੰ ਪ੍ਰਸਾਦ ਵਜੋਂ ਕੰਬਲ ਭੇਂਟ ਕੀਤੇ। ਦੋਵਾਂ ਨੇ ਬਾਲ ਭੋਗ ਦਾ ਪ੍ਰਸ਼ਾਦ ਵੀ ਛਕਿਆ। ਦੱਸ ਦਈਏ ਕਿ ਵਿਰਾਟ ਕੋਹਲੀ ਅਤੇ ਅਨੁਸ਼ਕਾ ਦੋਹਾਂ ਨੂੰ ਬਾਬਾ ਨੀਮ ਕਰੋਲੀ ਮਹਾਰਾਜ ‘ਤੇ ਬਹੁਤ ਵਿਸ਼ਵਾਸ ਹੈ।
