ਫੈਕਟ ਸਮਾਚਾਰ ਸੇਵਾ
ਮੁੰਬਈ , ਦਸੰਬਰ 7
‘ਭਾਬੀ ਜੀ ਘਰ ਪਰ ਹੈ’ ਫੇਮ ਸ਼ਿਲਪਾ ਸ਼ਿੰਦੇ ਨੇ ਇਸ ਸ਼ੋਅ ਨਾਲ ਕਾਫੀ ਸੁਰਖੀਆਂ ਬਟੋਰੀਆਂ, ਜਿਸ ਕਾਰਨ ਲੋਕ ਉਸ ਦੇ ਪ੍ਰਸ਼ੰਸਕ ਬਣ ਗਏ। ਬਿੱਗ ਬੌਸ ਵਿੱਚ ਵੀ ਸ਼ਿਲਪਾ ਨੇ ਦਰਸ਼ਕਾਂ ਨੂੰ ਖੂਬ ਲੁਭਾਇਆ। ਅਦਾਕਾਰਾ ਨੇ ਹਾਲ ਹੀ ਵਿੱਚ ਡਾਂਸ ਰਿਐਲਿਟੀ ਸ਼ੋਅ ‘ਝਲਕ ਦਿਖਲਾ ਜਾ’ ਵਿੱਚ ਵੀ ਹਿੱਸਾ ਲਿਆ ਸੀ। ਹੁਣ ਸ਼ਿਲਪਾ ਇੱਕ ਵਾਰ ਫਿਰ ਇੱਕ ਨਵੇਂ ਸ਼ੋਅ ਨਾਲ ਟੀਵੀ ਇੰਡਸਟਰੀ ਵਿੱਚ ਵਾਪਸੀ ਕਰਨ ਜਾ ਰਹੀ ਹੈ। ਸ਼ਿਲਪਾ ਇਕ ਵਾਰ ਫਿਰ ਕਾਮੇਡੀ ਸ਼ੋਅ ‘ਮੈਡਮ ਸਰ’ ‘ਚ ਇਕ ਸਿਪਾਹੀ ਦੀ ਭੂਮਿਕਾ ਨਿਭਾਉਂਦੀ ਨਜ਼ਰ ਆਵੇਗੀ।
ਸ਼ਿਲਪਾ , ਸੋਨੀ ਸਬ ਦੇ ਸ਼ੋਅ ‘ਮੈਡਮ ਸਰ’ ਵਿੱਚ ਨਜ਼ਰ ਆਵੇਗੀ। ਮੰਨਿਆ ਜਾ ਰਿਹਾ ਹੈ ਕਿ ਸ਼ਿਲਪਾ ਇਸ ਸ਼ੋਅ ‘ਚ ‘ਗੁਲਕੀ ਜੋਸ਼ੀ’ ਦੇ ਮੁੱਖ ਕਿਰਦਾਰ ਦੀ ਥਾਂ ਲਵੇਗੀ। ਹਾਲਾਂਕਿ, ਇਸ ਬਾਰੇ ਅਜੇ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਹੋਈ ਹੈ ਕਿ ਕੀ ਸ਼ਿਲਪਾ ਉਸਦੀ ਜਗ੍ਹਾ ਲਵੇਗੀ ਜਾਂ ਸਿਰਫ ਕਾਸਟ ਵਿੱਚ ਸ਼ਾਮਲ ਹੋਵੇਗੀ। ਇਹ ਸ਼ੋਅ ਲਖਨਊ ਦੀਆਂ ਚਾਰ ਮਹਿਲਾ ਪੁਲਿਸ ਅਫ਼ਸਰਾਂ ਦੇ ਆਲੇ-ਦੁਆਲੇ ਘੁੰਮਦਾ ਹੈ ਜੋ ਇੱਕ ਮਹਿਲਾ ਪੁਲਿਸ ਸਟੇਸ਼ਨ ਵਿੱਚ ਕੰਮ ਕਰਦੀਆਂ ਹਨ।
