ਫੈਕਟ ਸਮਾਚਾਰ ਸੇਵਾ
ਨਵੀਂ ਦਿੱਲੀ , ਅਕਤੂਬਰ 24
ਅੱਜ ਮਾਂ ਦੁਰਗਾ ਦੀ ਮੂਰਤੀ ਨੂੰ ਰਾਜਧਾਨੀ ‘ਚ ਵੱਖ-ਵੱਖ ਥਾਵਾਂ ‘ਤੇ ਬਣਾਏ ਗਏ ਨਕਲੀ ਤਾਲਾਬਾਂ ‘ਚ ਵਿਸਰਜਿਤ ਕੀਤਾ ਜਾਵੇਗਾ। ਪਰ ਇਸ ਤੋਂ ਪਹਿਲਾਂ ਦਿੱਲੀ ਦੇ ਸੀਆਰ ਪਾਰਕ ਵਿੱਚ ਔਰਤਾਂ ਨੇ ਸਿੰਦੂਰ ਖੇਲ ਦਾ ਤਿਉਹਾਰ ਮਨਾਇਆ। ਸਿਰਫ਼ ਸੀਆਰ ਪਾਰਕ ਹੀ ਨਹੀਂ, ਦਿੱਲੀ ਵਿੱਚ ਹੋਰ ਥਾਵਾਂ ’ਤੇ ਵੀ ਜਸ਼ਨ ਮਨਾਏ ਗਏ। ਦੁਰਗਾ ਪੂਜਾ ਦੇ ਆਖ਼ਰੀ ਦਿਨ ਅੱਜ ਦਿੱਲੀ ਦੇ ਅਰਾਮਬਾਗ ‘ਚ ਔਰਤਾਂ ਸਿੰਦੂਰ ਖੇਡਦੀਆਂ ਨਜ਼ਰ ਆਈਆਂ। ਜਾਣਕਾਰੀ ਲਈ ਦੱਸ ਦੇਈਏ ਕਿ ਕਈ ਪੂਜਾ ਕਮੇਟੀਆਂ ਨੇ ਆਪਣੇ ਪੰਡਾਲਾਂ ਵਿੱਚ ਨਕਲੀ ਤਾਲਾਬ ਬਣਾਏ ਹੋਏ ਹਨ। ਸੀ.ਆਰ.ਪਾਰਕ ਪੂਜਾ ਕਮੇਟੀ ਦੇ ਪ੍ਰਧਾਨ ਤਾਮਿਲ ਰਕਸ਼ਿਤ ਨੇ ਦੱਸਿਆ ਕਿ ਮਾਂ ਦਾ ਵਿਸਰਜਨ , ਸਿੰਦੂਰ ਉਤਸਵ ਤੋਂ ਬਾਅਦ ਹੋਵੇਗਾ। ਪੰਡਾਲ ਵਿੱਚ ਨਕਲੀ ਤਾਲਾਬ ਤਿਆਰ ਕੀਤਾ ਗਿਆ ਹੈ।
ਦੂਜੇ ਪਾਸੇ ਸੋਮਵਾਰ ਨੂੰ ਸੀਆਰ ਪਾਰਕ, ਮਿੰਟੋ ਰੋਡ, ਅਰਾਮਬਾਗ, ਕਰੋਲ ਬਾਗ, ਕਸ਼ਮੀਰੀ ਗੇਟ ਅਤੇ ਦਿਲਸ਼ਾਦ ਗਾਰਡਨ ਸਮੇਤ ਕਈ ਥਾਵਾਂ ‘ਤੇ ਪੂਜਾ ਪੰਡਾਲਾਂ ‘ਚ ਭਾਰੀ ਭੀੜ ਦੇਖਣ ਨੂੰ ਮਿਲੀ। ਬੰਗਾਲ ਦੇ ਸੰਗੀਤਕਾਰਾਂ ਅਤੇ ਕਲਾਕਾਰਾਂ ਨੇ ਪੰਡਾਲਾਂ ਵਿੱਚ ਆਪਣੀ ਕਲਾ ਦਾ ਪ੍ਰਦਰਸ਼ਨ ਕੀਤਾ।
