ਫੈਕਟ ਸਮਾਚਾਰ ਸੇਵਾ
ਨਵੀਂ ਦਿੱਲੀ, ਦਸੰਬਰ 15
ਟੀਵੀ ਦੀ ਗੋਪੀ ਬਹੂ ਹੁਣ ਅਸਲ ਜ਼ਿੰਦਗੀ ਵਿੱਚ ਵੀ ਨੂੰਹ ਬਣ ਗਈ ਹੈ। ਅਦਾਕਾਰਾ ਦੇਵੋਲੀਨਾ ਭੱਟਾਚਾਰਜੀ ਨੇ 14 ਦਸੰਬਰ ਨੂੰ ਆਪਣੇ ਜਿਮ ਟ੍ਰੇਨਰ ਸ਼ਾਹਨਵਾਜ਼ ਸ਼ੇਖ ਨਾਲ ਗੁਪਤ ਵਿਆਹ ਕੀਤਾ ਸੀ। ਅਦਾਕਾਰਾ ਨੇ ਆਪਣੇ ਪਰਿਵਾਰ ਅਤੇ ਦੋਸਤਾਂ ਦੀ ਮੌਜੂਦਗੀ ਵਿੱਚ ਮੁੰਬਈ ਤੋਂ ਦੂਰ ਲੋਨਾਵਾਲਾ ਵਿੱਚ ਕੋਰਟ ਮੈਰਿਜ ਕੀਤੀ। ਅਦਾਕਾਰਾ ਦੇ ਵਿਆਹ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ।
ਇਸ ਦੌਰਾਨ ਅਦਾਕਾਰਾ ਦੇ ਵਿਆਹ ਤੋਂ ਬਾਅਦ ਦੀ ਰਸਮ ਦਾ ਇਕ ਵੀਡੀਓ ਸਾਹਮਣੇ ਆਇਆ ਹੈ। ਇਸ ਵੀਡੀਓ ‘ਚ ਅਦਾਕਾਰਾ ਪਤੀ ਸ਼ਾਹਨਵਾਜ਼ ਨਾਲ ਅੰਗੂਠੀ ਲੱਭਣ ਦੀ ਰਸਮ ਨਿਭਾਉਂਦੀ ਨਜ਼ਰ ਆ ਰਹੀ ਹੈ। ਇਸ ਦੌਰਾਨ ਦੇਵੋਲੀਨਾ ਆਪਣੇ ਪਤੀ ਨੂੰ ਸਖਤ ਟੱਕਰ ਦਿੰਦੀ ਨਜ਼ਰ ਆ ਰਹੀ ਹੈ। ਰਿੰਗ ਲੱਭਣ ਲਈ ਦੋਵਾਂ ਵਿਚਕਾਰ ਇੱਕ ਮਜ਼ੇਦਾਰ ਦੌੜ ਹੁੰਦੀ ਹੈ ਅਤੇ ਦੇਵੋਲੀਨਾ ਜਿੱਤ ਜਾਂਦੀ ਹੈ। ਅਦਾਕਾਰਾ ਆਪਣੀ ਜਿੱਤ ਤੋਂ ਬਾਅਦ ਖੁਸ਼ੀ ਨਾਲ ਕੁੱਦਦੀ ਹੈ।
ਇਸ ਦੌਰਾਨ ਦੇਵੋਲੀਨਾ ਗ੍ਰੇ ਕਲਰ ਦੀ ਸਾੜੀ ‘ਚ ਨਜ਼ਰ ਆ ਰਹੀ ਹੈ। ਮੱਥੇ ‘ਤੇ ਬਿੰਦੀ, ਹੱਥਾਂ ‘ਚ ਚੂੜੀਆਂ ਅਤੇ ਮਹਿੰਦੀ, ਗਲੇ ‘ਚ ਮੰਗਲਸੂਤਰ ਦੇਖਿਆ ਜਾ ਸਕਦਾ ਹੈ। ਉੱਥੇ ਹੀ ਸ਼ਾਹਨਵਾਜ਼ ਸ਼ੇਖ ਕੋਰਟ ਪੇਂਟ ‘ਚ ਨਜ਼ਰ ਆ ਰਹੇ ਹਨ। ਦੇਵੋਲੀਨਾ ਅਤੇ ਸ਼ਾਹਨਵਾਜ਼ ਪਿਛਲੇ ਤਿੰਨ ਸਾਲਾਂ ਤੋਂ ਇੱਕ-ਦੂਜੇ ਨੂੰ ਡੇਟ ਕਰ ਰਹੇ ਸਨ, ਪਰ ਕਿਸੇ ਨੂੰ ਇਸ ਬਾਰੇ ਪਤਾ ਨਹੀਂ ਸੀ।
