ਫੈਕਟ ਸਮਾਚਾਰ ਸੇਵਾ
ਕੋਲਕਾਤਾ , ਅਕਤੂਬਰ 4
ਪੱਛਮੀ ਬੰਗਾਲ, ਉੜੀਸਾ ਅਤੇ ਝਾਰਖੰਡ ਵਿੱਚ ਭਾਰੀ ਮੀਂਹ ਦਾ ਕਹਿਰ ਜਾਰੀ ਹੈ। ਮੌਸਮ ਵਿਭਾਗ ਨੇ ਪੱਛਮੀ ਬੰਗਾਲ ਦੇ ਵੱਖ-ਵੱਖ ਜ਼ਿਲ੍ਹਿਆਂ ਅਤੇ ਝਾਰਖੰਡ ਅਤੇ ਛੱਤੀਸਗੜ੍ਹ ਦੇ ਘੱਟ ਦਬਾਅ ਵਾਲੇ ਖੇਤਰਾਂ ਵਿੱਚ 5 ਅਕਤੂਬਰ ਤੱਕ ਭਾਰੀ ਮੀਂਹ ਦੀ ਭਵਿੱਖਬਾਣੀ ਕੀਤੀ ਹੈ। ਉਨ੍ਹਾਂ ਮੁਤਾਬਕ ਹਲਕੀ ਤੋਂ ਦਰਮਿਆਨੀ ਬਾਰਿਸ਼ ਹੋਣ ਦੀ ਸੰਭਾਵਨਾ ਹੈ।
ਅੱਜ ਸਵੇਰ ਤੋਂ ਓਡੀਸ਼ਾ ਦੇ 11 ਜ਼ਿਲ੍ਹਿਆਂ ਵਿੱਚ ਹਲਕੀ ਤੋਂ ਦਰਮਿਆਨੀ ਬਾਰਿਸ਼ ਹੋਈ ਹੈ। 1 ਤੋਂ 3 ਅਕਤੂਬਰ ਸ਼ਾਮ 5.30 ਵਜੇ ਤੱਕ ਰਾਜ ਵਿੱਚ ਔਸਤ ਵਰਖਾ 57.3 ਮਿਲੀਮੀਟਰ ਹੈ ਜਦੋਂ ਕਿ ਅਕਤੂਬਰ ਵਿੱਚ ਔਸਤ ਮਾਸਿਕ ਵਰਖਾ 114.7 ਮਿਲੀਮੀਟਰ ਹੈ।
ਮੌਸਮ ਵਿਭਾਗ ਨੇ ਦੇਵੀਗੜ੍ਹ , ਸੁੰਦਰਗੜ੍ਹ , ਅੰਗੁਲ , ਕੇਓਂਝਾਰ ਅਤੇ ਮਯੂਰਭੰਜ ਵਿੱਚ ਭਾਰੀ ਤੋਂ ਬਹੁਤ ਭਾਰੀ ਬਾਰਿਸ਼ ਹੋਣ ਦੀ ਸੰਭਾਵਨਾ ਹੈ। ਇਨ੍ਹਾਂ ਇਲਾਕਿਆਂ ਲਈ ਆਰੇਂਜ ਅਲਰਟ ਜਾਰੀ ਕੀਤਾ ਗਿਆ ਹੈ।
