ਸਿਹਤ ਮੰਤਰਾਲੇ ਨੇ ਜਾਰੀ ਕੀਤੇ ਨਿਰਦੇਸ਼
ਹੁਣ ਤੱਕ ਕਨਵੋਕੇਸ਼ਨ ਸਮਾਰੋਹ ‘ਚ ਕਾਲੇ ਰੰਗ ਦੀ ਡਰੈੱਸ ਅਤੇ ਕੈਪ ਪਹਿਨੀ ਜਾਂਦੀ ਸੀ
ਕਾਲੇ ਕੱਪੜੇ ਅਤੇ ਟੋਪੀ ਪਹਿਨਣ ਦੀ ਪਰੰਪਰਾ ਬ੍ਰਿਟਿਸ਼ ਯੁੱਗ ਦੀ ਵਿਰਾਸਤ ਹੈ
ਸੰਸਥਾਵਾਂ ਨੂੰ ਨਿਰਦੇਸ਼ : ਸਥਾਨਕ ਰੀਤੀ-ਰਿਵਾਜਾਂ ਅਨੁਸਾਰ ਨਵੇਂ ਡਰੈੱਸ ਕੋਡ ਲਈ ਪ੍ਰਸਤਾਵ ਤਿਆਰ ਕਰਨ
ਕਨਵੋਕੇਸ਼ਨ ਸਮਾਰੋਹ ਵਿਚ ਕਾਲੇ ਪਹਿਰਾਵੇ ਅਤੇ ਕੈਪ ਪਹਿਨਣ ਦਾ ਰੁਝਾਨ ਅਜੇ ਵੀ ਹੈ। ਜਿਸ ਨੂੰ ਹੁਣ ਮੈਡੀਕਲ ਕਾਲਜਾਂ ਲਈ ਤਬਦੀਲ ਕੀਤਾ ਜਾ ਰਿਹਾ ਹੈ। ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲੇ ਨੇ ਸਾਰੇ ਮੈਡੀਕਲ ਕਾਲਜਾਂ ਨੂੰ ਨਵੇਂ ਡਰੈੱਸ ਕੋਡ ਲਈ ਪ੍ਰਸਤਾਵ ਭੇਜਣ ਲਈ ਕਿਹਾ ਹੈ। ਸਿਹਤ ਮੰਤਰਾਲੇ ਦਾ ਕਹਿਣਾ ਹੈ ਕਿ ਬ੍ਰਿਟਿਸ਼ ਸ਼ਾਸਨ ਤੋਂ ਚੱਲੀ ਆ ਰਹੀ ਪਰੰਪਰਾ ਨੂੰ ਬਦਲਣ ਦਾ ਸਮਾਂ ਆ ਗਿਆ ਹੈ।
ਨਵੀਂ ਦਿੱਲੀ : ਹੁਣ ਤੱਕ ਕਨਵੋਕੇਸ਼ਨ ਸਮਾਰੋਹ ‘ਚ ਕਾਲੇ ਰੰਗ ਦੀ ਡਰੈੱਸ ਅਤੇ ਕੈਪ ਪਹਿਨੀ ਜਾਂਦੀ ਸੀ, ਜਿਸ ਨੂੰ ਗ੍ਰੈਜੂਏਸ਼ਨ ਸਮਾਰੋਹ ਵੀ ਕਿਹਾ ਜਾਂਦਾ ਹੈ ਪਰ ਹੁਣ ਮੈਡੀਕਲ ਕਾਲਜਾਂ ‘ਚ ਇਹ ਡਰੈੱਸ ਕੋਡ ਬਦਲਣ ਜਾ ਰਿਹਾ ਹੈ। ਦਰਅਸਲ, ਕੇਂਦਰੀ ਸਿਹਤ ਮੰਤਰਾਲੇ ਨੇ ਮੈਡੀਕਲ ਕਾਲਜਾਂ ਨੂੰ ਹੁਣ ਤੋਂ ਕਨਵੋਕੇਸ਼ਨ ਸਮਾਰੋਹ ਵਿੱਚ ਭਾਰਤੀ ਪਰੰਪਰਾ ਅਨੁਸਾਰ ਕੱਪੜੇ ਪਾਉਣ ਲਈ ਕਿਹਾ ਹੈ।
ਹੁਣ ਤੱਕ, ਅਸੀਂ ਸਾਰੇ ਕਾਲੇ ਪਹਿਰਾਵੇ ਅਤੇ ਟੋਪੀ ਪਹਿਨਣ ਦੀ ਪਰੰਪਰਾ ਦਾ ਪਾਲਣ ਕਰ ਰਹੇ ਸੀ ਜੋ ਯੂਰਪ ਵਿੱਚ ਮੱਧ ਯੁੱਗ ਤੋਂ ਪਹਿਲਾਂ ਦੀ ਹੈ, ਜੋ ਬ੍ਰਿਟਿਸ਼ ਸ਼ਾਸਨ ਤੋਂ ਆਈ ਸੀ। ਹਾਲਾਂਕਿ, ਹੁਣ ਇਸ ਨੂੰ ਬਦਲਣ ਦਾ ਸਮਾਂ ਆ ਗਿਆ ਹੈ। ਸਿਹਤ ਮੰਤਰਾਲੇ ਦੇ ਅਨੁਸਾਰ, ਏਮਜ਼ ਅਤੇ ਹੋਰ ਮੈਡੀਕਲ ਸੰਸਥਾਵਾਂ ਨੂੰ ਆਪਣੇ-ਆਪਣੇ ਰਾਜਾਂ ਦੀਆਂ ਪਰੰਪਰਾਵਾਂ ਦੇ ਅਨੁਸਾਰ ਨਵੇਂ ਡਰੈੱਸ ਕੋਡ ਲਈ ਪ੍ਰਸਤਾਵ ਭੇਜਣੇ ਹੋਣਗੇ। ਮੰਤਰਾਲੇ ਨੇ ਕਿਹਾ ਹੈ ਕਿ ਕਨਵੋਕੇਸ਼ਨ ਸਮਾਰੋਹ ਵਿੱਚ ਕਾਲੇ ਕੱਪੜੇ ਅਤੇ ਟੋਪੀ ਪਹਿਨਣ ਦੀ ਪਰੰਪਰਾ ਬ੍ਰਿਟਿਸ਼ ਯੁੱਗ ਦੀ ਵਿਰਾਸਤ ਹੈ, ਇਸ ਨੂੰ ਬਦਲਣ ਦੀ ਲੋੜ ਹੈ।
ਇਸ ਦੇ ਲਈ ਸਾਰੀਆਂ ਮੈਡੀਕਲ ਸੰਸਥਾਵਾਂ ਨੂੰ ਨਿਰਦੇਸ਼ ਦਿੱਤੇ ਗਏ ਹਨ ਕਿ ਉਹ ਆਪਣੇ ਸਥਾਨਕ ਰੀਤੀ-ਰਿਵਾਜਾਂ ਅਨੁਸਾਰ ਨਵੇਂ ਡਰੈੱਸ ਕੋਡ ਲਈ ਪ੍ਰਸਤਾਵ ਤਿਆਰ ਕਰਨ। ਇਸ ਪ੍ਰਸਤਾਵ ਨੂੰ ਮਨਜ਼ੂਰੀ ਲਈ ਸਿਹਤ ਮੰਤਰਾਲੇ ਨੂੰ ਭੇਜਿਆ ਜਾਵੇਗਾ। ਮੰਤਰਾਲੇ ਦੇ ਸਕੱਤਰ (ਸਿਹਤ) ਇਸ ਬਾਰੇ ਅੰਤਿਮ ਫੈਸਲਾ ਲੈਣਗੇ। ਸਿਹਤ ਮੰਤਰਾਲੇ ਦੇ ਇਸ ਫੈਸਲੇ ਨਾਲ ਏਮਜ਼ ਵਰਗੀਆਂ ਵੱਡੀਆਂ ਸੰਸਥਾਵਾਂ ਸਮੇਤ ਸਾਰੇ ਮੈਡੀਕਲ ਕਾਲਜ ਪ੍ਰਭਾਵਿਤ ਹੋਣਗੇ।
