ਫੈਕਟ ਸਮਾਚਾਰ ਸੇਵਾ
ਸਾਹਿਬਗੰਜ , ਦਸੰਬਰ 18
ਝਾਰਖੰਡ ‘ਚ ਦਿੱਲੀ ਦੀ ਸ਼ਰਧਾ ਕਤਲ ਕਾਂਡ ਤੋਂ ਵੀ ਜ਼ਿਆਦਾ ਭਿਆਨਕ ਤਰੀਕੇ ਨਾਲ ਇੱਕ ਕਤਲ ਨੂੰ ਅੰਜਾਮ ਦਿੱਤਾ ਗਿਆ। ਦਰਅਸਲ ਸਾਹਿਬਗੰਜ ਦੇ ਬੋਰੀਆ ਸੰਥਾਲੀ ਦੇ ਇੱਕ ਨਿਰਮਾਣ ਅਧੀਨ ਆਂਗਣਵਾੜੀ ਕੇਂਦਰ ਦੇ ਪਿੱਛੇ ਮਨੁੱਖੀ ਅੰਗਾਂ ਦੇ ਟੁਕੜੇ ਮਿਲਣ ਤੋਂ ਬਾਅਦ ਇਲਾਕੇ ਵਿੱਚ ਸਨਸਨੀ ਫੈਲ ਗਈ। ਘਟਨਾ ਦਾ ਪਤਾ ਸ਼ਨੀਵਾਰ ਸ਼ਾਮ ਨੂੰ ਉਸ ਸਮੇਂ ਚਲਿਆ ਜਦੋਂ ਆਂਗਣਵਾੜੀ ਕੇਂਦਰ ਦੇ ਪਿੱਛੇ ਇਕ ਵਿਅਕਤੀ ਨੇ ਕੁੱਤੇ ਨੂੰ ਇਕ ਔਰਤ ਦੀ ਲੱਤ ਅਤੇ ਛਾਤੀ ਦੇ ਕੱਟੇ ਹੋਏ ਟੁਕੜਿਆਂ ਨੂੰ ਖਾਂਦੇ ਦੇਖਿਆ। ਪੁਲੀਸ ਨੇ ਮੁਲਜ਼ਮ ਪਤੀ ਦਿਲਦਾਰ ਅੰਸਾਰੀ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।
ਜਾਣੋ ਕੀ ਹੈ ਮਾਮਲਾ?
ਸਾਹਿਬਗੰਜ ‘ਚ ਇਕ ਵਿਅਕਤੀ ‘ਤੇ ਆਪਣੀ 22 ਸਾਲਾ ਪਤਨੀ ਰਬੀਕਾ ਪਹਾਡੀਨ ਦੇ ਕਟਰ ਨਾਲ 12 ਟੁਕੜੇ ਕਰਨ ਦਾ ਦੋਸ਼ ਲੱਗਾ ਹੈ। ਮ੍ਰਿਤਕਾਂ ਗੌਂਡਾ ਪਹਾੜ ਦੀ ਰਹਿਣ ਵਾਲੀ ਸੀ। ਪ੍ਰੇਮ ਵਿਆਹ ਤੋਂ ਬਾਅਦ ਉਹ ਆਪਣੇ ਪਤੀ ਦਿਲਦਾਰ ਅੰਸਾਰੀ ਨਾਲ ਬੇਲਟੋਲਾ ਸਥਿਤ ਘਰ ਵਿੱਚ ਰਹਿੰਦੀ ਸੀ। ਦਿਲਦਾਰ ਦਾ ਦੋਸ਼ ਹੈ ਕਿ ਵਿਆਹ ਦੇ ਕੁਝ ਦਿਨਾਂ ਬਾਅਦ ਹੀ ਉਸ ਦੀ ਪਤਨੀ ਨਾਲ ਝਗੜਾ ਸ਼ੁਰੂ ਹੋ ਗਿਆ। ਆਖਰਕਾਰ ਝਗੜੇ ਤੋਂ ਤੰਗ ਆ ਕੇ ਉਸ ਨੇ ਖ਼ਤਰਨਾਕ ਯੋਜਨਾ ਬਣਾਈ ਅਤੇ ਫਿਰ ਆਪਣੀ ਪਤਨੀ ਦਾ ਕਤਲ ਕਰ ਦਿੱਤਾ ਅਤੇ ਬਿਜਲੀ ਦੇ ਕਟਰ ਨਾਲ ਉਸ ਦੀ ਲਾਸ਼ ਦੇ 12 ਟੁਕੜੇ ਕਰ ਦਿੱਤੇ। ਫਿਰ ਉਸ ਨੂੰ ਆਂਗਣਵਾੜੀ ਕੇਂਦਰ ਦੇ ਪਿੱਛੇ ਸੁੱਟ ਦਿੱਤਾ। ਇਹ ਵੀ ਖੁਲਾਸਾ ਹੋਇਆ ਹੈ ਕਿ ਰਬੀਕਾ ਦਿਲਦਾਰ ਦੀ ਦੂਜੀ ਪਤਨੀ ਸੀ।
ਜਾਣਕਾਰੀ ਮੁਤਾਬਕ ਸ਼ਨੀਵਾਰ ਸ਼ਾਮ 6 ਵਜੇ ਬੋਰੀਓ ਥਾਣਾ ਖੇਤਰ ਦੇ ਸੰਥਾਲੀ ਮੋਮਿਨ ਟੋਲਾ ‘ਚ ਸਥਿਤ ਆਂਗਣਵਾੜੀ ਕੇਂਦਰ ਦੇ ਪਿੱਛੇ 12 ਟੁਕੜਿਆਂ ‘ਚ ਔਰਤ ਦੀ ਕੱਟੀ ਹੋਈ ਲਾਸ਼ ਬਰਾਮਦ ਕੀਤੀ ਗਈ। ਦੱਸਿਆ ਗਿਆ ਹੈ ਕਿ ਕੁੱਤੇ ਸਰੀਰ ਦੇ ਕੱਟੇ ਹੋਏ ਹਿੱਸੇ ਨੂੰ ਖਿੱਚ ਰਹੇ ਸਨ ਤਾਂ ਮਾਮਲਾ ਸਾਹਮਣੇ ਆਇਆ ਅਤੇ ਪੁਲੀਸ ਨੂੰ ਸੂਚਨਾ ਦਿੱਤੀ ਗਈ। ਫਿਰ ਪੁਲਿਸ ਟੀਮ ਵੱਡੀ ਫੋਰਸ ਲੈ ਕੇ ਪਹੁੰਚੀ।
