ਫੈਕਟ ਸਮਾਚਾਰ ਸੇਵਾ
ਨਵੀਂ ਦਿੱਲੀ , ਅਪ੍ਰੈਲ 15
ਸ਼੍ਰੀ ਰਾਮ ਜਨਮ ਭੂਮੀ ਤੀਰਥ ਖੇਤਰ ਟਰੱਸਟ ਨੇ ਰਾਮ ਭਗਤਾਂ ਨੂੰ ਰਾਮ ਨੌਮੀ ਦੇ ਮੌਕੇ ‘ਤੇ ਅਯੁੱਧਿਆ ਨਾ ਆਉਣ ਦੀ ਅਪੀਲ ਕੀਤੀ ਹੈ। ਰਾਮ ਨੌਮੀ ‘ਤੇ ਅਯੁੱਧਿਆ ‘ਚ ਹੋਣ ਵਾਲੇ ਸਾਰੇ ਪੂਜਾ-ਆਰਤੀ ਪ੍ਰੋਗਰਾਮਾਂ ਦੇ ਲਾਈਵ ਟੈਲੀਕਾਸਟ ਲਈ ਪ੍ਰਬੰਧ ਕੀਤੇ ਗਏ ਹਨ। ਇਸ ਦਾ ਲਾਭ ਮੋਬਾਈਲ, ਟੀਵੀ ਅਤੇ ਵੱਖ-ਵੱਖ ਥਾਵਾਂ ‘ਤੇ ਲਗਾਈਆਂ ਗਈਆਂ ਵੱਡੀਆਂ ਸਕਰੀਨਾਂ ‘ਤੇ ਲਿਆ ਜਾ ਸਕਦਾ ਹੈ। ਟਰੱਸਟ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਰਾਮ ਨੌਮੀ ਮੌਕੇ ਬੇਲੋੜੀ ਭੀੜ ਤੋਂ ਬਚਣ ਅਤੇ ਆਨਲਾਈਨ ਭਗਵਾਨ ਦੇ ਦਰਸ਼ਨ ਕਰਨ। ਬਾਅਦ ਵਿੱਚ ਘੱਟ ਭੀੜ ਹੋਣ ‘ਤੇ ਸਹੀ ਸਮੇਂ ‘ਤੇ ਅਯੁੱਧਿਆ ਪਹੁੰਚੋ ਅਤੇ ਸਿੱਧੇ ਦਰਸ਼ਨ ਕਰੋ।
ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਅਯੁੱਧਿਆ ਦੇ ਨਵੇਂ ਮੰਦਰ ‘ਚ ਭਗਵਾਨ ਰਾਮ ਦੀ ਨਵੀਂ ਮੂਰਤੀ ਦੀ ਮੌਜੂਦਗੀ ਕਾਰਨ ਇਸ ਸਾਲ ਰਾਮ ਨੌਮੀ ‘ਤੇ ਦੇਸ਼ ਭਰ ਤੋਂ ਵੱਡੀ ਗਿਣਤੀ ‘ਚ ਰਾਮ ਭਗਤ ਅਯੁੱਧਿਆ ਪਹੁੰਚ ਸਕਦੇ ਹਨ। ਇਸ ਕਾਰਨ ਛੋਟੇ ਸ਼ਹਿਰ ਅਯੁੱਧਿਆ ਦੀ ਮੌਜੂਦਾ ਵਿਵਸਥਾ ਨਾਕਾਫੀ ਸਾਬਤ ਹੋ ਸਕਦੀ ਹੈ। ਇਹੀ ਕਾਰਨ ਹੈ ਕਿ ਸ਼੍ਰੀ ਰਾਮ ਜਨਮ ਭੂਮੀ ਤੀਰਥ ਖੇਤਰ ਟਰੱਸਟ ਨੂੰ ਭੀੜ ਘੱਟ ਕਰਨ ਲਈ ਅਜਿਹੀ ਅਪੀਲ ਜਾਰੀ ਕਰਨੀ ਪਈ ਹੈ। ਇਸ ਵਾਰ ਵੀ ਟਰੱਸਟ ਦਾ ਅਨੁਮਾਨ ਹੈ ਕਿ ਰਾਮ ਨੌਮੀ ‘ਤੇ ਘੱਟੋ-ਘੱਟ ਪੰਜ ਲੱਖ ਲੋਕ ਅਯੁੱਧਿਆ ਪਹੁੰਚ ਸਕਦੇ ਹਨ।
