ਫੈਕਟ ਸਮਾਚਾਰ ਸੇਵਾ
ਨਵੀਂ ਦਿੱਲੀ , ਮਈ 15
ਗੋਸਵਾਮੀ ਤੁਲਸੀਦਾਸ ਵਲੋਂ ਲਿਖੀਆਂ ਰਾਮਚਰਿਤਮਾਨਸ ਅਤੇ ਪੰਚਤੰਤਰ ਦੀਆਂ ਕਹਾਣੀਆਂ ਹੁਣ ਪੂਰੀ ਦੁਨੀਆ ਵਿੱਚ ਮਾਨਤਾ ਪ੍ਰਾਪਤ ਹਨ।ਰਾਮਚਰਿਤਮਾਨਸ ਦੀਆਂ ਸਚਿੱਤਰ ਹੱਥ-ਲਿਖਤਾਂ ਅਤੇ ਪੰਚਤੰਤਰ ਕਥਾਵਾਂ ਦੀ 15ਵੀਂ ਸਦੀ ਦੀ ਹੱਥ-ਲਿਖਤ ਨੂੰ ਯੂਨੈਸਕੋ ਨੇ ਆਪਣੇ ‘ਮੈਮੋਰੀ ਆਫ਼ ਦਾ ਵਰਲਡ ਰੀਜਨਲ ਰਜਿਸਟਰ’ ਵਿੱਚ ਸ਼ਾਮਲ ਕੀਤਾ ਹੈ। 2024 ਐਡੀਸ਼ਨ ਵਿੱਚ ਏਸ਼ੀਆ ਪੈਸੀਫਿਕ ਦੀਆਂ 20 ਵਿਰਾਸਤੀ ਥਾਵਾਂ ਸ਼ਾਮਲ ਹਨ, ਜਿਸ ਵਿੱਚ ਰਾਮਚਰਿਤ ਮਾਨਸ ਅਤੇ ਪੰਚਤੰਤਰ ਦੇ ਨਾਲ-ਨਾਲ ਸਹਿਰਿਦਯਾਲੋਕ-ਲੋਕਨ ਦੀਆਂ ਹੱਥ-ਲਿਖਤਾਂ ਸ਼ਾਮਲ ਹਨ।
ਪੀਆਈਬੀ ਅਨੁਸਾਰ ਰਾਮਚਰਿਤਮਾਨਸ, ਪੰਚਤੰਤਰ ਅਤੇ ਸਹਿਰੀਦਯਾਲੋਕ-ਲੋਕਨ ਨੂੰ ‘ਯੂਨੈਸਕੋ ਦੀ ਮੈਮੋਰੀ ਆਫ਼ ਦਾ ਵਰਲਡ ਏਸ਼ੀਆ-ਪੈਸੀਫਿਕ ਰੀਜਨਲ ਰਜਿਸਟਰ’ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਇਹ ਖ਼ਬਰ ਹਰ ਭਾਰਤੀ ਲਈ ਮਾਣ ਵਾਲੀ ਗੱਲ ਹੈ। ਇਹ ਦੇਸ਼ ਦੀ ਅਮੀਰ ਸਾਹਿਤਕ ਵਿਰਾਸਤ ਅਤੇ ਸੱਭਿਆਚਾਰਕ ਵਿਰਸੇ ਦੀ ਪੁਸ਼ਟੀ ਹੈ।
