ਫੈਕਟ ਸਮਾਚਾਰ ਸੇਵਾ
ਨਵੀਂ ਦਿੱਲੀ , ਨਵੰਬਰ 27
ਦਿੱਲੀ ਵਿੱਚ ਜ਼ਹਿਰੀਲੀ ਧੂੰਦ ਦਾ ਪ੍ਰਭਾਵ ਜਾਰੀ ਹੈ। ਹਵਾ ਪ੍ਰਦੂਸ਼ਣ ਮਾੜੇ ਪੱਧਰ ‘ਤੇ ਬਣਿਆ ਹੋਇਆ ਹੈ। ਬੀਤੀ ਰਾਤ ਤੇਜ਼ ਹਵਾ ਕਾਰਨ ਪ੍ਰਦੂਸ਼ਣ ਦੇ ਪੱਧਰ ‘ਚ ਗਿਰਾਵਟ ਦਰਜ ਕੀਤੀ ਗਈ। ਸੀਪੀਸੀਬੀ ਦੇ ਅਨੁਸਾਰ ਅੱਜ ਸਵੇਰੇ 7 ਵਜੇ ਆਨੰਦ ਵਿਹਾਰ ਵਿੱਚ AQI 311, ਬਵਾਨਾ ਵਿੱਚ 341, ਜਹਾਂਗੀਰਪੁਰੀ ਵਿੱਚ 330, ਪੰਜਾਬੀ ਬਾਗ ਵਿੱਚ 326 ਅਤੇ ਨਜਫਗੜ੍ਹ ਵਿੱਚ 295 ਦਰਜ ਕੀਤਾ ਗਿਆ।
ਮੌਸਮ ਵਲੋਂ ਸਾਥ ਨਾ ਦੇਣ ਕਾਰਨ ਦਿੱਲੀ ਦੀਆਂ ਹਵਾਵਾਂ ਬਹੁਤ ਖ਼ਰਾਬ ਹਨ। ਸਵੇਰੇ ਦਿੱਲੀ ਦੇ ਕਈ ਇਲਾਕਿਆਂ ‘ਚ ਧੂੰਦ ਦੀ ਚਾਦਰ ਛਾਈ ਹੋਈ ਸੀ। ਦਿਨ ਵਿਚ ਮਾਮੂਲੀ ਸੁਧਾਰ ਤੋਂ ਬਾਅਦ ਸ਼ਾਮ ਨੂੰ ਹਵਾ ਦੀ ਰਫ਼ਤਾਰ ਮੁੜ ਚਾਰ ਕਿਲੋਮੀਟਰ ਪ੍ਰਤੀ ਘੰਟਾ ‘ਤੇ ਰੁਕ ਗਈ। ਇਸ ਨਾਲ ਹਵਾ ਗੁਣਵੱਤਾ ਸੂਚਕਾਂਕ ਵਿੱਚ ਸਿਰਫ਼ 6 ਅੰਕਾਂ ਦਾ ਸੁਧਾਰ ਹੋਇਆ। 24 ਘੰਟੇ ਦੀ ਔਸਤ AQI ਸੋਮਵਾਰ ਨੂੰ 349 ਦੇ ਮੁਕਾਬਲੇ ਮੰਗਲਵਾਰ ਨੂੰ 343 ਤੱਕ ਪਹੁੰਚ ਗਈ। ਪ੍ਰਦੂਸ਼ਣ ‘ਤੇ ਕੰਮ ਕਰ ਰਹੀਆਂ ਏਜੰਸੀਆਂ ਨੂੰ ਹਵਾ ਦੀ ਸਿਹਤ ‘ਚ ਸੁਧਾਰ ਦੀ ਕੋਈ ਉਮੀਦ ਨਜ਼ਰ ਨਹੀਂ ਆ ਰਹੀ। ਅਗਲੇ ਤਿੰਨ ਦਿਨਾਂ ਤੱਕ AQI ਬਹੁਤ ਖਰਾਬ ਸ਼੍ਰੇਣੀ ਵਿੱਚ ਰਹਿਣ ਦੀ ਉਮੀਦ ਹੈ।
