ਪਿਛਲੇ ਹਫਤੇ, ਆਸਟਰੇਲੀਆ ਦੇ ਪਾਰਕ ਰੇਂਜਰਾਂ ਨੂੰ ਆਸਟਰੇਲੀਆ ਦੇ ਕੋਨਵੇ ਨੈਸ਼ਨਲ ਪਾਰਕ ਵਿੱਚ ਇੱਕ 2.7 ਕਿਲੋਗ੍ਰਾਮ ਦਾ ਇੱਕ ਕੈਨ ਟੌਡ ਮਿਲਿਆ। ਪਾਰਕ ਦੀ ਰੇਂਜਰ ਕਾਇਲੀ ਗ੍ਰੇ ਦਾ ਕਹਿਣਾ ਹੈ ਕਿ ਇਸ ਆਕਾਰ ਦੇ ਕੈਨ ਟੌਡ ਸਭ ਕੁਝ ਖਾ ਸਕਦਾ ਹੈ ਜੋ ਵੀ ਉਸਦੇ ਮੂੰਹ ਵਿੱਚ ਚਲਾ ਜਾਵੇ। ਇਹ ਡੱਡੂ ਵਾਤਾਵਰਨ ਨੂੰ ਨੁਕਸਾਨ ਪਹੁੰਚਾਉਂਦੇ ਹਨ, ਇਸ ਲਈ ਇਨ੍ਹਾਂ ਨੂੰ ਮਾਰਿਆ ਗਿਆ। ਹੁਣ ਸੋਸ਼ਲ ਮੀਡੀਆ ‘ਤੇ ਇਸ ਮਾਦਾ ਕੈਨ ਟੌਡ ਦੀਆਂ ਤਸਵੀਰਾਂ ਵਾਇਰਲ ਹੋ ਗਈਆਂ ਹਨ, ਜਿਨ੍ਹਾਂ ਨੂੰ ਦੇਖ ਕੇ ਲੋਕ ਹੈਰਾਨ ਹਨ।
ਗਿਨੀਜ਼ ਵਰਲਡ ਰਿਕਾਰਡਸ ਨੇ 2.65 ਕਿਲੋਗ੍ਰਾਮ (5.8 ਪੌਂਡ) ਦੇ ਸਭ ਤੋਂ ਵੱਡੇ ਡੱਡੂ ਨੂੰ ਸੂਚੀਬੱਧ ਕੀਤਾ ਗਿਆ ਹੈ, ਜੋ 1991 ਵਿੱਚ ਇੱਕ ਸਵੀਡਿਸ਼ ਪਾਲਤੂ ਜਾਨਵਰ ਦੁਆਰਾ ਬਣਾਇਆ ਗਿਆ ਰਿਕਾਰਡ ਹੈ। ਇਸ ਡੱਡੂ ਨੂੰ ਫੜਨ ਵਾਲੀ ਰੇਂਜਰ ਕਾਈਲੀ ਗ੍ਰੇ ਨੂੰ ਪਹਿਲਾਂ ਤਾਂ ਯਕੀਨ ਨਹੀਂ ਹੋਇਆ ਕਿ ਇਹ ਇੰਨਾ ਵੱਡਾ ਹੋਵੇਗਾ। ਇਸ ਕਾਰਨ ਉਸ ਨੇ ਉਸ ਦਾ ਨਾਂ ‘ਟੌਡਜ਼ਿਲਾ’ ਰੱਖਿਆ ਅਤੇ ਉਸ ਨੂੰ ਡੱਬੇ ‘ਚ ਰੱਖ ਕੇ ਜੰਗਲ ‘ਚੋਂ ਬਾਹਰ ਕੱਢ ਲਿਆ।
ਹਾਲਾਂਕਿ, ਉਹ ਇਸ ਡੱਡੂ ਦੀ ਉਮਰ ਦਾ ਸਹੀ ਅੰਦਾਜ਼ਾ ਨਹੀਂ ਲਗਾ ਸਕੀ। ਪਰ ਉਸਨੇ ਦੱਸਿਆ ਕਿ ਇੱਕ ਕੈਨ ਟੌਡ ਜੰਗਲ ਵਿੱਚ 15 ਸਾਲ ਤੱਕ ਜੀ ਸਕਦਾ ਹੈ। ਇਸ ਆਕਾਰ ਦਾ ਕੈਨ ਟੌਡ ਕੁਝ ਵੀ ਖਾ ਸਕਦਾ ਹੋ, ਜੋ ਵੀ ਉਦੇ ਮੂੰਹ ਵਿੱਚ ਆਉਂਦਾ ਹੈ। ਇਨ੍ਹਾਂ ਵਿੱਚ ਕੀੜੇ-ਮਕੌੜੇ, ਰੀਂਗਣ ਵਾਲੇ ਜੀਵ ਅਤੇ ਛੋਟੇ ਥਣਧਾਰੀ ਜੀਵ ਸ਼ਾਮਿਲ ਹਨ। ਗ੍ਰੇ ਦੇ ਸਹਿਯੋਗੀ, ਸੀਨੀਅਰ ਪਾਰਕ ਰੇਂਜਰ ਬੈਰੀ ਨੋਲਨ ਨੇ ਰੋਇਟਰਜ਼ ਨੂੰ ਦੱਸਿਆ ਕਿ ਜਾਨਵਰ ਨੂੰ ਇਸਦੇ “ਪਰਿਆਵਰਣਿਕ ਪ੍ਰਭਾਵ” ਦੇ ਕਾਰਨ ਈਥਨਾਈਜ਼ ਕੀਤਾ ਗਿਆ ਸੀ।
