ਫੈਕਟ ਸਮਾਚਾਰ ਸੇਵਾ
ਬੈਂਗਲੁਰੂ , ਜੂਨ 24
ਕੇਨਰਾ ਬੈਂਕ ਦਾ ਇੰਟਰਨੈੱਟ ਮੀਡੀਆ ਪਲੇਟਫਾਰਮ ਐਕਸ ’ਤੇ ਮੌਜੂਦ ਅਕਾਉਂਟ ਹੈਕ ਹੋ ਗਿਆ ਹੈ। ਕੇਨਰਾ ਬੈਂਕ ਨੇ ਆਪਣੇ ਅਧਿਕਾਰਤ ਫੇਸਬੁੱਕ ਪੇਜ ’ਤੇ ਪੋਸਟ ਪਾਈ ਹੈ। ਹੈਕਰ ਨੇ ਬੈਂਕ ਦੇ ਇੰਟਰਨੈੱਟ ਮੀਡੀਆ ਅਕਾਉਂਟ ਦਾ ਯੂਜ਼ਰਨੇਮ ਬਦਲ ਕੇ ‘ਈਥਰਡਾਟਫੀ’ ਕਰ ਦਿੱਤਾ ਗਿਆ ਹੈ। ਹੈਕਰਸ ਨੇ 22 ਜੂਨ ਨੂੰ ਕੇਨਰਾ ਬੈਂਕ ਦਾ ਇੰਟਰਨੈੱਟ ਮੀਡੀਆ ਹੈਂਡਲ ਦਾ ਯੂਜ਼ਰਨੇਮ ਬਦਲ ਕੇ ਕੇਮੈਨ ਆਇਲੈਂਡ ਰੱਖ ਦਿੱਤਾ ਹੈ। ਬੈਂਕ ਨੇ ਲਿਖਿਆ ਹੈ ਕਿ ਕੇਨਰਾ ਬੈਂਕ ਸਾਰੇ ਸਬੰਧਤ ਪੱਖਾਂ ਨੂੰ ਸੂਚਿਤ ਕਰਨਾ ਚਾਹੁੰਦਾ ਹੈ ਕਿ ਬੈਂਕ ਦੇ ਅਧਿਕਾਰਤ ਐਕਸ ਅਕਾਉੰਟ ਦੇ ਨਾਲ ਛੇੜਛਾੜ ਕੀਤੀ ਗਈ ਹੈ। ਸਬੰਧਤ ਟੀਮਾਂ ਮਾਮਲੇ ਦੀ ਜਾਂਚ ਕਰ ਰਹੀਆਂ ਹਨ ਤੇ ਜਲਦੀ ਹੀ ਕੇਨਰਾ ਬੈਂਕ ਦੇ ਐਕਸ ਹੈਂਡਲ ਦੀ ਐਕਸੈੱਸ ਮੁੜ ਪ੍ਰਾਪਤ ਕਰਨ ਲਈ ਯਤਨ ਅੰਜਾਮ ਦਿੱਤੇ ਜਾਣਗੇ।
