ਫੈਕਟ ਸਮਾਚਾਰ ਸੇਵਾ
ਨਵੀਂ ਦਿੱਲੀ, ਅਗਸਤ 25
ਹਿਮਾਂਸ਼ੀ ਖ਼ੁਰਾਨਾ ਨੇ ਪਾਰਸ ਛਾਬੜਾ ਦੇ ਪੌਡਕਾਸਟ ਵਿੱਚ ਆਪਣੇ ਅਤੇ ਆਸਿਮ ਰਿਆਜ਼ ਦਾ ਰਿਸ਼ਤਾ ਟੁੱਟਣ ਨੂੰ ਲੈ ਕੇ ਕਈ ਹੈਰਾਨ ਕਰਨ ਵਾਲੇ ਖ਼ੁਲਾਸੇ ਕੀਤੇ ਸਨ। ਹਿਮਾਂਸ਼ੀ ਨੇ ਆਸਿਮ ਰਿਆਜ਼ ਦਾ ਨਾਂ ਲਏ ਬਿਨਾਂ ਇਹ ਦੱਸਿਆ ਸੀ ਕਿ ਐਕਸ-ਬੁਆਏਫ਼੍ਰੈਂਡ ਨਾਲ ਉਸ ਦੇ ਰਿਸ਼ਤੇ ਵਿੱਚ ਧਾਰਮਿਕ ਮਤਭੇਦ ਸਨ।
ਐਕਟਰੈਸ ਦਾ ਕਹਿਣਾ ਸੀ ਕਿ ਬਿਗ ਬੌਸ ਕੰਟੈਸਟੈਂਟ ਚਾਹੁੰਦਾ ਸੀ ਕਿ ਮੈਂ ਉਸ ਨੂੰ ਸਮਝਾਂ ਅਤੇ ਸਵੀਕਾਰ ਕਰਾਂ, ਪਰ ਮੇਰੇ ਲਈ ਇਹ ਸੰਭਵ ਨਹੀਂ ਸੀ। ਜਿਸ ਤੋਂ ਬਾਅਦ ਆਸਿਮ ਰਿਆਜ਼ ਨੇ ਪਲਟਵਾਰ ਕਰਦਿਆਂ ਐਕਟਰੈਸ ਦੇ ਸਾਰੇ ਦਾਅਵਿਆਂ ਨੂੰ ਖ਼ਾਰਜ ਕਰ ਦਿੱਤਾ ਸੀ। ਹੁਣ ਇੱਕ ਵਾਰ ਫ਼ਿਰ ਤੋਂ ਹਿਮਾਂਸ਼ੀ ਖ਼ੁਰਾਨਾ ਨੇ ਨਵੀਂ ਪੋਸਟ ਨਾਲ ਰੈਪਰ ਨੂੰ ਚਿਤਾਵਨੀ ਦੇ ਦਿੱਤੀ ਹੈ।
ਹਿਮਾਂਸ਼ੀ ਖ਼ੁਰਾਨਾ ਨੇ ਆਸਿਮ ਰਿਆਜ਼ ਦੀ ਪੋਸਟ ਤੋਂ ਬਾਅਦ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ‘ਤੇ ਇੱਕ ਸਟੋਰੀ ਸ਼ੇਅਰ ਕੀਤੀ ਸੀ। ਜਿਸ ਵਿੱਚ ਉਸ ਨੇ ਲਿਖਿਆ, “ਜਦੋਂ ਵੀ ਮੈਂ ਪਬਲਿਕਲੀ ਆਪਣੀ ਨਿੱਜੀ ਜ਼ਿੰਦਗੀ ਬਾਰੇ ਗੱਲਾਂ ਸ਼ੇਅਰ ਕਰਦੀ ਹਾਂ, ਤਾਂ ਹਮੇਸ਼ਾ ਇੱਜ਼ਤ ਨੂੰ ਧਿਆਨ ਵਿੱਚ ਰੱਖ ਕੇ ਅਤੇ ਸੋਚ-ਸਮਝ ਕੇ ਕਰਦੀ ਹਾਂ। ਚਾਹੇ ਮੇਰੀ ਬਿਗ ਬੌਸ ਦੀ ਜਰਨੀ ਹੋਵੇ, ਮੇਰੀ ਅਧਿਆਤਮਿਕਤਾ ਦੀ ਜਰਨੀ ਹੋਵੇ ਜਾਂ ਗੱਲ ਮੇਰੀ ਸਿਹਤ ਦੀ ਹੋਵੇ। ਮੈਂ ਹਮੇਸ਼ਾ ਪੂਰੀ ਇਮਾਨਦਾਰੀ ਨਾਲ ਆਪਣੀ ਜ਼ਿੰਦਗੀ ਦੇ ਪਹਿਲੂਆਂ ਨੂੰ ਰੱਖਿਆ ਹੈ ਅਤੇ ਕਿਸੇ ਦਾ ਵੀ ਨਾ ਤਾਂ ਨਿਰਾਦਰ ਕੀਤਾ ਹੈ ਤੇ ਨਾ ਹੀ ਉਨ੍ਹਾਂ ‘ਤੇ ਨਿਸ਼ਾਨਾ ਸਾਧਿਆ ਹੈ।”
ਹਿਮਾਂਸ਼ੀ ਖ਼ੁਰਾਨਾ ਨੇ ਅੱਗੇ ਕਿਹਾ, “ਮੈਂ ਕਦੇ ਵੀ ਇਹ ਨਹੀਂ ਕਿਹਾ ਕਿ ਮੈਨੂੰ ਜ਼ਬਰਦਸਤੀ ਧਰਮ ਬਦਲਣ ਲਈ ਕਿਹਾ ਗਿਆ। ਇੱਥੇ ਲੋਕ ਆਪਣੇ ਆਪ ਹੀ ਨੇਰੇਟਿਵ ਬਣਾ ਰਹੇ ਹਨ। ਮੇਰੀ ਹੈਲਥ ਦਾ ਮਜ਼ਾਕ ਉਡਾਇਆ ਗਿਆ ਅਤੇ ਮੇਰੇ ਸੰਘਰਸ਼ ‘ਤੇ ਸਵਾਲ ਚੁੱਕੇ ਗਏ। ਮੈਨੂੰ ਲੱਗਦਾ ਹੈ ਹੁਣ ਇੱਕ ਲਾਈਨ ਖਿੱਚਣ ਦਾ ਵੇਲਾ ਆ ਗਿਆ ਹੈ। ਜੇਕਰ ਅਸੀਂ ਸਬੂਤਾਂ ਬਾਰੇ ਗੱਲ ਕਰ ਹੀ ਰਹੇ ਹਾਂ, ਤਾਂ ਹਰ ਚੀਜ਼ ਬਾਰੇ ਗੱਲ ਹੋਣੀ ਚਾਹੀਦੀ ਹੈ।”
ਹਿਮਾਂਸ਼ੀ ਖ਼ੁਰਾਨਾ ਨੇ ਆਪਣੇ ਬਿਆਨ ਵਿੱਚ ਅੱਗੇ ਲਿਖਿਆ ਕਿ “ਮੈਂ ਧਰਮ ਨਾਲ ਜੁੜਿਆ ਜੋ ਵੀ ਮਾਮਲਾ ਹੈ ਅਤੇ ਜੋ ਹਿੰਸਾ ਮੈਂ ਸਹੀ ਹੈ, ਉਸ ਨਾਲ ਜੁੜੇ ਸੀਸੀਟੀਵੀ ਫ਼ੁਟੇਜ, ਰਿਕਾਰਡਿੰਗ ਅਤੇ ਹਰ ਤਰ੍ਹਾਂ ਦਾ ਸਬੂਤ ਦੇਣ ਲਈ ਬਿਲਕੁਲ ਤਿਆਰ ਹਾਂ। ਤੈਨੂੰ 27.11.23 ਇਹ ਤਾਰੀਖ਼ ਤਾਂ ਯਾਦ ਹੋਵੇਗੀ ਹੀ। ਜੇਕਰ ਤੂੰ ਇਹ ਸਭ ਕਰਕੇ ਮੇਰੀ ਇਮੇਜ ਖ਼ਰਾਬ ਕਰ ਰਿਹਾ ਹੈਂ, ਤਾਂ ਮੈਂ ਉਹ ਇਨਸਾਨ ਨਹੀਂ ਹਾਂ ਜੋ ਲਗਾਤਾਰ ਕਿਸੇ ਦੀ ਛਵੀ ਨੂੰ ਬਚਾਉਂਦੀ ਰਹਾਂ। ਮੈਂ ਉਹ ਨਹੀਂ ਹਾਂ ਜੋ ਲਗਾਤਾਰ ਬੇਇੱਜ਼ਤ ਹੋਣ ਦੇ ਬਾਵਜੂਦ ਚੁੱਪ ਬੈਠੀ ਰਹੇਗੀ।”
ਹਿਮਾਂਸ਼ੀ ਨੇ ਅੱਗੇ ਆਪਣਾ ਗੁੱਸਾ ਪ੍ਰਗਟ ਕਰਦਿਆਂ ਲਿਖਿਆ, “ਵੱਖ-ਵੱਖ ਚੈਨਲ ਅਤੇ ਪ੍ਰੋਡਕਸ਼ਨ ਹਾਊਸ ਤੇਰੀ ਬਕਵਾਸ ਕਵਰ ਕਰ ਰਹੇ ਹਨ, ਪਰ ਮੈਂ ਉਨ੍ਹਾਂ ਵਰਗੀ ਨਹੀਂ ਹਾਂ। ਮੈਂ ਹਮੇਸ਼ਾ ਆਪਣੀ ਮਰਿਆਦਾ ਨੂੰ ਕਾਇਮ ਰੱਖਿਆ ਹੈ ਅਤੇ ਸਾਹਮਣੇ ਵਾਲੇ ਨੂੰ ਇੱਜ਼ਤ ਦਿੱਤੀ ਹੈ। ਬਦਲੇ ਵਿੱਚ ਮੈਂ ਉਸੇ ਦੀ ਉਮੀਦ ਵੀ ਕੀਤੀ ਹੈ। ਜੇਕਰ ਮੈਨੂੰ ਉਹ ਇੱਜ਼ਤ ਨਹੀਂ ਮਿਲ ਰਹੀ, ਤਾਂ ਖ਼ੁਦ ਨੂੰ ਸ਼ਾਂਤ ਰੱਖਣ ਦਾ ਹੁਣ ਕੋਈ ਕਾਰਨ ਮੇਰੇ ਕੋਲ ਨਹੀਂ ਹੈ। ਜੇਕਰ ਤੂੰ ਪ੍ਰੂਫ਼ ਗੇਮ ਖੇਡਣਾ ਹੀ ਚਾਹੁੰਦਾ ਹੈਂ, ਤਾਂ ਇਮਾਨਦਾਰੀ ਨਾਲ, ਸਾਰੇ ਤੱਥਾਂ, ਜ਼ਿੰਮੇਵਾਰੀਆਂ ਅਤੇ ਪੂਰੇ ਸੱਚ ਨਾਲ ਖੇਡ।”
ਜਿਨ੍ਹਾਂ ਨੂੰ ਨਹੀਂ ਪਤਾ ਉਨ੍ਹਾਂ ਨੂੰ ਦੱਸ ਦੇਈਏ ਕਿ ਆਸਿਮ ਰਿਆਜ਼ ਅਤੇ ਪੰਜਾਬੀ ਐਕਟਰੈਸ ਤੇ ਸਿੰਗਰ ਹਿਮਾਂਸ਼ੀ ਖ਼ੁਰਾਨਾ ਦੀ ਪ੍ਰੇਮ ਕਹਾਣੀ 2019 ਵਿੱਚ ਸ਼ੁਰੂ ਹੋਈ ਸੀ। ਹਿਮਾਂਸ਼ੀ ਸ਼ੋਅ ਵਿੱਚ ਸ਼ਹਿਨਾਜ਼ ਗਿੱਲ ਨਾਲ ਕੰਟਰੋਵਰਸੀ ਕਰਕੇ ਮਿਡ-ਸੀਜ਼ਨ ਵਿੱਚ ਵਾਈਲਡ ਕਾਰਡ ਬਣ ਕੇ ਆਈ ਸੀ। ਜਿੱਥੇ ਉਸ ਦੀ ਅਤੇ ਆਸਿਮ ਰਿਆਜ਼ ਵਿਚਾਲੇ ਨੇੜਤਾ ਵਧੀ। ਦੋਵਾਂ ਨੇ ਸਾਢੇ ਤਿੰਨ ਸਾਲ ਤੱਕ ਇੱਕ-ਦੂਜੇ ਨੂੰ ਡੇਟ ਕੀਤਾ, ਪਰ 2023 ਦੇ ਅੰਤ ਵਿੱਚ ਕਪਲ ਨੇ ਆਪਣੇ ਬ੍ਰੇਕਅੱਪ ਦਾ ਐਲਾਨ ਕਰ ਦਿੱਤਾ ਸੀ।
