ਮਹਾਕੁੰਭ ‘ਚ ਮੁੜ ਲੱਗੀ ਅੱਗ, ਕਈ ਪੰਡਾਲ ਚਪੇਟ ‘ਚ ਆਏ

ਫੈਕਟ ਸਮਾਚਾਰ ਸੇਵਾ

ਪ੍ਰਯਾਗਰਾਜ, ਜਨਵਰੀ 30

ਮਹਾਕੁੰਭ ਵਿੱਚ ਛੱਤਨਾਗ ਝੁਨਸੀ ਦੇ ਸੈਕਟਰ 22 ਸਥਿਤ ਟੈਂਟ ਸਿਟੀ ‘ਚ ਅੱਜ ਅੱਗ ਲੱਗ ਗਈ। ਅੱਗ ਲੱਗਣ ਦੇ ਕਾਰਨਾਂ ਦਾ ਪਤਾ ਨਹੀਂ ਲੱਗ ਸਕਿਆ। ਇਸ ਤੋਂ ਪਹਿਲਾਂ ਕਿ ਲੋਕ ਕੁਝ ਸਮਝ ਪਾਉਂਦੇ, ਇਸ ਨੇ ਭਿਆਨਕ ਰੂਪ ਧਾਰਨ ਕਰ ਲਿਆ ਸੀ। ਟੈਂਟ ਸਿਟੀ ਦੇ ਦਰਜਨ ਤੋਂ ਵੱਧ ਟੈਂਟ ਸੜ ਕੇ ਸੁਆਹ ਹੋ ਗਏ। ਰਾਹਤ ਦੀ ਗੱਲ ਇਹ ਹੈ ਕਿ ਇਸ ਹਾਦਸੇ ਵਿੱਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ। ਸੂਚਨਾ ਮਿਲਣ ਤੋਂ ਬਾਅਦ ਫਾਇਰ ਬ੍ਰਿਗੇਡ ਦੀਆਂ ਕਈ ਗੱਡੀਆਂ ਮੌਕੇ ‘ਤੇ ਪਹੁੰਚ ਗਈਆਂ। ਕਾਫੀ ਮੁਸ਼ੱਕਤ ਤੋਂ ਬਾਅਦ ਅੱਗ ‘ਤੇ ਕਾਬੂ ਪਾਇਆ ਜਾ ਸਕਿਆ।