ਫੈਕਟ ਸਮਾਚਾਰ ਸੇਵਾ
ਨਵੀਂ ਦਿੱਲੀ , ਜਨਵਰੀ 29
ਸਲਮਾਨ ਖਾਨ ਨੇ ਬਿੱਗ ਬੌਸ ਸੀਜ਼ਨ 17 ਦੇ ਜੇਤੂ ਦਾ ਐਲਾਨ ਕੀਤਾ ਅਤੇ ਇਸ ਦੇ ਨਾਲ ਹੀ ਟੀਵੀ ਜਗਤ ਦੇ ਸਭ ਤੋਂ ਮਸ਼ਹੂਰ ਰਿਐਲਿਟੀ ਸ਼ੋਅ ਬਿੱਗ ਬੌਸ ਦੇ 17ਵੇਂ ਸੀਜ਼ਨ ਦਾ ਪਰਦਾ ਡਿੱਗ ਗਿਆ। ਰੋਮਾਂਚਕ ਮੁਕਾਬਲੇ ਤੋਂ ਬਾਅਦ ਮੁਨੱਵਰ ਫਾਰੂਕੀ ਨੂੰ ਸ਼ੋਅ ਦਾ ਜੇਤੂ ਐਲਾਨਿਆ ਗਿਆ। ਅਭਿਸ਼ੇਕ ਕੁਮਾਰ ਇਸ ਸ਼ੋਅ ਦੇ ਰਨਰ ਅੱਪ ਰਹੇ, ਜਦਕਿ ਮਨਾਰਾ ਚੋਪੜਾ ਸੈਕਿੰਡ ਰਨਰ ਅੱਪ ਰਹੀ।
ਬਿੱਗ ਬੌਸ 17 ਦੇ ਫਿਨਾਲੇ ‘ਚ ਆਖਰੀ ਮਿੰਟ ਦੇ ਟਵਿਸਟ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ, ਜਿਸ ‘ਚ ਅਭਿਸ਼ੇਕ ਕੁਮਾਰ ਟਾਪ 3 ‘ਚ ਪਹੁੰਚ ਗਿਆ, ਜਦਕਿ ਅੰਕਿਤਾ ਲੋਖੰਡੇ ਬਾਹਰ ਹੋ ਗਈ। ਉਸ ਨੂੰ ਜਿੱਤ ਦੇ ਸਭ ਤੋਂ ਮਜ਼ਬੂਤ ਦਾਅਵੇਦਾਰਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਸੀ।
‘ਬਿੱਗ ਬੌਸ 17’ ਦੇ ਜੇਤੂ ਮੁਨੱਵਰ ਫਾਰੂਕੀ ਨੇ 50 ਲੱਖ ਰੁਪਏ ਦੀ ਇਨਾਮੀ ਰਾਸ਼ੀ ਅਤੇ ਕ੍ਰੇਟਾ ਐਸਯੂਵੀ ਦੇ ਨਾਲ ਟਰਾਫੀ ਜਿੱਤੀ ਹੈ। ਵਿਨਰ ਟਰਾਫੀ ਦੀ ਖਾਸ ਗੱਲ ਇਹ ਹੈ ਕਿ ਇਹ ਦਿਲ, ਦਿਮਾਗ ਅਤੇ ਦਮ ਦੇ ਥੀਮ ‘ਤੇ ਆਧਾਰਿਤ ਹੈ, ਜਿਸ ਦੇ ਆਧਾਰ ‘ਤੇ ਸੀਜ਼ਨ 17 ਦੀ ਯੋਜਨਾ ਬਣਾਈ ਗਈ ਸੀ।
ਸਮਾਗਮ ਦਾ ਆਯੋਜਨ ਰੰਗਾਰੰਗ ਪੇਸ਼ਕਾਰੀਆਂ ਨਾਲ ਕੀਤਾ ਗਿਆ।
ਇਸ ਵਾਰ ਫਿਨਾਲੇ ਸ਼ਾਮ 6 ਵਜੇ ਸ਼ੁਰੂ ਹੋ ਕੇ ਅੱਧੀ ਰਾਤ 12 ਵਜੇ ਤੱਕ ਚੱਲਦਾ ਰਿਹਾ। ਸ਼ੋਅ ਦੇ ਪ੍ਰਤੀਯੋਗੀਆਂ ਨੇ ਛੇ ਘੰਟਿਆਂ ਵਿੱਚ ਧਮਾਕੇਦਾਰ ਪ੍ਰਦਰਸ਼ਨ ਕੀਤਾ।
